Praza  Alfredo Brañas: Antiga praza da Constitución, era o lugar onde se atopaba o primeiro edificio do consistorio, ata que se trasladou no ano 1873 á situación actual. Nela atopamos palmeiras centenarias, e no centro sitúase unha fermosa fonte de pedra, labrada polo malogrado escultor cambadés Narciso Pérez. Na actualidade, nesta praza peonil hai varias cafeterías con terrazas moi concorridas pola xente da vila e os seus visitantes.