A Translación do Apóstolo Santiago

Dende os inicios da tradición xacobea -fai xa mil douscentos anos- España profesa unha fonda devoción polo Apóstolo Santiago. Esta admiración maniféstase especialmente en ocasións como a que agora nos ocupa: a conmemoración do traslado (Translatio) a Galicia dos restos do Zebedeo. Non debemos esquecer que Santiago de Compostela é, xunto con Roma e Xerusalén, un dos tres grandes fitos da cristiandade. Hoxe en día, en pleno século XXI, xentes de todo o orbe acoden -como nos mellores tempos das peregrinacións no Medioevo- a prostrarse ante o sepulcro do único discípulo de Jesús que, xunto con San Pedro de Roma, está enterrado no Vello Continente.

É certo que, na actualidade, a forza evanxelizadora do Apóstolo cobra forma nun amplo e variado abanico de manifestacións humanas, máis todas elas desenvólvense baixo una mesma forza, unha espiritualidade común que dá alento ao camiñante e gozo pleno na meta Santa.

A lado de todas estas expresións de fondo e histórico contido relixioso e espiritual, vén sumarse esta Ruta Xacobea marítimo-fluvial polo mar de Arousa e o río Ulla, que pretende, fundamentalmente, contribuír ao mellor coñecemento e exaltación de Santiago o Maior a través dunhas paraxes naturais e etnográficas de indubidable valor e interese.

Seguindo os testemuños e a tradición, esta Ruta actualiza o paso da nave apostólica que conducía os restos de Santiago desde Jaffa, en Palestina, ata Iria Flavia, a actual vila de Padrón.

Esta tradición foi seguida con fervor en todo o mundo cristián e chegou a plasmarse, ao longo da milenaria historia xacobea, nunha variada e riquísima iconografía que nos representa a última singradura do Apóstolo Santiago na compañía dos seus discípulos Atanasio e Teodoro. Eles, conducidos por un anxo e guiados por unha estrela -segundo móstrase no escudo municipal da vila de Padrón- arribaron ás costas de Galicia penetrando polo mar de Arousa e subindo pola canle do río Ulla, camiño de Compostela, onde hoxe os seus restos venéranse.

A singradura que entra en Galicia polas augas atlánticas da maior ría de España ?a de Arousa, que é en si todo un océano en miniatura?, continúa seguidamente por un espléndido ascenso a través da canle do Ulla ata alcanzar as terras de Iria. Un treito que ofrece ao peregrino unha paraxe de singular beleza. A remontada río arriba cobra unha significación especial, pois esta ruta traza uns camiños de encontro cun pasado glorioso. É ascender por unha columna vertebral entre marxes fértiles, cargadas de historia e lendas, nunhas augas -primeiro salgadas e logo fluviais- que resumen tamén a historia desta terra.

Aquela mínima nave que soubo esquivar as turbulencias dun mar revolto, é na actualidade un símbolo crave da cristiandade. Todos os anos, cada 30 de decembro, a Mitra compostelá rememora esta tradición, acto que leva parello unha ofrenda real.